Azpeitiko Ekoetxeak antolatuta, familian Igarako errotara bisita gidatua eta taloak egiten ikasteko tailerra egin dute gaur. Eguraldi ederra lagun, Ekoetxea eta Igara errotara artean pasiera egiteko aukera ere izan dute tailerreko parte hartzaileek.

Helduentzako nahiz haurrentzako ekintzak prestatu dituzte Azpeitiko Ekoetxean hil honetarako. Guztiak doan dira, baina aldez aurretik izena eman beharra dago parte hartzeko. Besteak beste, bisita gidatua, tailerra, ibilaldi gidatua eta solasaldia antolatu dituzte.