Azpeitiko Ekoetxean nahiz Sanjuandegi eta Loiola arteko bide zaharrean bisitatu daiteke Uraren Euskal Agentziaren erakusketa ibiltaria. Egitasmo horri lotuta, Ekoetxeak urak egiten duen ibilbidea ezagutzeko bi txango antolatu ditu: Aizarnazabalgo Granada errekara joko dute hil honen 26an, eta Zestoako Agirietako ur jauzira, urriaren 3an. Ibilaldian parte hartzeko izena eman behar da aurrez.

Azpeitiko Sakona Komuntzo etxaldea ezagutzeko aukera izan zen atzo goizean, Ekoetxeak antolatuta. Parte hartzaileek bertako nekazaritza sustatzen duten praktika jasangarriak ezagutzeko parada izan zuten.