Odola 25 aldiz eman duten hamar herritarrek, 40 aldiz eman duten lauk, 50 aldiz eta 60 aldiz eman duten banak nahiz 75 aldiz eman duten bik jaso dute gaur eguerdian aitortza. Sanagustin kulturgunean egin du ekitaldia Azpeitiko Odol Emaileen Elkarteak, eta odola ematearen garrantziaz ohartarazteko ere baliatu dute hitzordua.

Saninazioetako zezenketetan bildutako hamalau mila euro banatu ditu batzordeak gaur. Caritasek hamar mila euro jaso ditu, eta Txolartek zein Gaixo eta Elbarrien elkarteak bina mila euro.