18:30ean hasiko da saioa, Azpeitiko Azoka Plazako goiko aretoan. Euskal Herriko Kontseilu Sozialistako kidea den Paul Beitia, besteak beste, euskararen auziak daukan gaurkotasunaz eta auzia ikuspegi politikotik lantzeko beharraz ariko da osteguneko hitzaldian.

Korrika hasi zenetik asko izan dira Euskal Herriko hainbat txokotan metro edo kilometro batzuk egin dituzten azpeitiarrak. Gaur, esaterako, Igantzi eta Sunbilla artean lekukoa eraman du Olatz Garmendia Donamarian bizi den moja azpeitiarrak. Lehen aldiz parte hartu du Korrikan, eta lehen aldiz eraman du lekukoa.