Naziogintza taldeak antolatuta, Jon Sarasuak, Karmelo Landak eta Xabier Aierdik Euskara eta immigrazioa: aukerak eta erronkak mahai ingurua eskaini zuten herenegun Basazabal jauregian. Euskararen egungo egoeraz egiten dituzten hausnarketak elkarbanatu zituzten, baita etorkizunera begira jarri ere. Jendez lepo bete zen aretoa, eta bertaratutakoek adi entzun zituzten gonbidatuen azalpenak. Maiatzaren 12an izango da zikloko bosgarren eta azken solasaldia, Kike Amonarrizen eskutik. 

Orioko Arraunetxen eman dituzte azalpenak Martin Aramendi UEMAko lehendakariak eta Anuska Esnal Orioko alkateak, baita konpromiso zehatzak hartu dituzten eragile bitako ordezkariek ere. Bihartik aurrera, egitasmoa UEMA osatzen duten udalerri guztietara zabalduko dute.