Milaka euskaltzale batu ziren joan zen larunbatean Iruñean, Euskalgintzaren Kontseiluak deitutako martxan. Zutabe horietako baten hasierako pankarta Malen Amenabarrek egindakoa zen. Euskaltzaletasuna lelo hartuta egin zuen lan hori ilustratzaileak.

Azpeitiko Udal Euskaltegiak aurrez aurreko nahiz autoikaskuntzako ikastaroak antolatu ditu udako hilabeteetarako. A1, B2 eta C1 mailetarako aurrez aurreko eskolak eskainiko dituzte eta B2 eta C1 mailak autoikaskuntzan. Udako ikastaroetarako izena emateko epea ekainaren 17ra arte egongo da zabalik.