Bien artean zuzendu duten Eraman zutela dokumentalaren gainean elkarrizketa egin diete Berria egunkarian Deñe Garcia-Bravo urrestildarrari eta Mikel Balerdiri, Lekeitioko Euskal Zine Bileran Zilarrezko Antzara eta aipamen berezia lortu ondoren.

Azaroaren 20an beteko dira 50 urte Francisco Franco diktadorea hil zela, eta urtemugaren harira, hainbat erreportaje eta ikus-entzunezko argitaratuko ditu Gukak bihartik aurrera. Mahai inguru bat ere egingo du, diktadorearen heriotzatik mende erdi igaro denean, haren itzala zer-nolakoa den aztertzeko.