Txotxeko sagardoaren denboraldia martxan da Añota sagardotegian. Iker Irribarria pilotari ohia izan da irekiera ekitaldiko gonbidatu nagusia. 150 bat lagun elkartu dira eguerdian Elosiagan, sagardo berria dastatzeko eta bazkaltzeko.

Dermatosi nodular kutsakorraren aurka 42.500 abelburu txertatzea aurreikusi dute, eta aurrenekoak gaur eguerdian txertatu dituzte Aiako testaje zentroan. Izan ere, gaur sartu da indarrean nahitaezko txertaketa ezartzen duen foru agindua, eta horri buruzko azalpenak eman ditu prentsaurrean Xabier Arruti Lurralde Oreka Berdeko diputatuak.