Santio egunez Azpeitian ospatuko den Baserritarren Egunean, 52. Sagardo Txapelketa eta 26. Ardi Gazta Txapelketa jokatuko dira. Aurten, eskualdeko ganadu txapelketa egitea egokitzen zen, baina dermatosi nodularragatik ezingo da egin, eta horren tokian animali erakusketa antolatuko dute. Urtero bezala, egun beteko egitaraua prestatu dute hilaren 25erako.

Marea Arroxako kideek uztailaren 16an eta 17an –ostegunean eta ostiralean– jarriko dute izena emateko mahaia plazan. Bi egun horietan, 11:30etik 13:30era eta 17:00etatik 20:00etara izango dute herritarrek Umeen Egunean, herri bazkarian eta kuadrillarteko jolasetan izena emateko eta kamiseta zein zapiak erosteko aukera.