Udalerrian "hutsik egoteko zantzuak" zituzten 560 etxeetatik 198ren espedienteak tramitatu ditu Etxebizitza Bulegoak plangintzaren lehen urtean: 41 etxebizitza alokairura edo salmentara bideratu dituzte jabeek, beste hogei erabiltzen hasi dira, eta 43 espedientetan kanona aplikatzeko prozedura martxan jarri du udalak. Lehen urteko emaitzekin "oso pozik" dago erakundea.

Kaleaundiko bide zorua eta azpiegiturak berritu, eta Altuna Errota kalean espaloi berria egingo dituzte. Hiru hilabete iraungo dute lanek, eta tarte horretan, autobus geralekua Kalebarreneko aparkalekura lekualdatuko dute.