Urola Kostako eremu funtzionalen plan partziala 2050. urtera arte egongo da indarrean. Plan horrek aukera emango du erabakitzeko etxebizitzak eta jarduera ekonomikoak non egin, naturguneak nola babestu eta udalerriak klima aldaketaren ondorioetara nola egokitu. Herritarrei planaren hasierako onespena aurkezteko batzarra datorren asteazkenean egingo dute, 18:00etan, Azpeitiko Basazabal jauregian.

Orain arte, Salbe auzunean eta Jose Artetxe kalean egokitutako aparkalekuak izan dira erabilgarri herritarrentzat. Landetako aparkalekuaren bidez, herrigunetik industriagunera arteko joan-etorriak bizikletaz egitea bultzatu nahi du udalak. Erakundeak adierazi duenez, "batez ere langileei begira" jarri dute bizikletentzat gordeleku berria.