Zaborraren tasa izango da salbuspena: Europako Batasunak ezarritako zuzentarau baten arabera, zabor bilketaren kostuak ezin du defizitarioa izan; ondorioz, %7,2 igoko da tasa hori. Egonaldi turistikoen gaineko zerga arautzen duen ordenantza fiskala ere onartu dute; gutxieneko tasa ezarriko diete negozio mota guztiei, etxebizitza turistikoei izan ezik. Aho batez onartu dute proposamena EH Bilduko eta EAJko ordezkariek, baina zinegotzi jeltzale bat abstenitu egin da "interes pertsonalak" tarteko. 

Ezohiko udalbatzarra egingo dute bihar, osteguna, 19:30ean hasita. Datorren urteko udal tasak eta zergak nahiz Azpeitiko egonaldi turistikoen gaineko zerga arautzen duen ordenantza izango dituzte udal hautetsiek eztabaidagai.