Irakurmenean, matematikan zein zientzian, beherako bidean jarraitzen du Hego Euskal Herriko bigarren hezkuntzako ikasleen mailak. Hori ondorioztatu daiteke, behinik behin, PISA txostenaren azken edizioan jasotako emaitzei erreparatuta. PISAk aurkeztutako argazkiak Urola Kostako ikasgeletan ikusten dutenaren antz faltarik ez duela adierazi dute erreportaje honetarako hitz egin duten profesionalek, baina argazki osoak beste kolore eta osagai batzuk ere baditu, eta horiek ere kontuan hartzearen beharra azpimarratu dute.

Datorren hilean lau ikastaro emango dituzte guztira, denak izango dira euskaraz eta aurrez aurre. Izena emateko aukera irekita dago.