Eguna: 3-20

• 2014-3-20. Hausnartu sarietako bat jaso zuen Garbiñe Bereziartuak.
• 2014-3-20. Corrugadoseko enpresa batzordeek Auzitegi Nazionalaren epaiaren kontrako errekurtsoa Auzitegi Gorenean aurkeztuko zutela jakinarazi zuten.
• 1946-3-20. Arte eta Ofizio Eskolan hainbeste urtean aritu eta egin zuen lan bikaina gogoan izanik, Manuel Ferrer maisuari herriaren aldetik agertu zitzaion esker ona aktan idaztea erabaki zuten.
• 1940-3-20. Elosiaga auzoko eskola egiteko enkantearen baldintzak onartu zituzten.
• 1934-3-20. Aratz-Erreka auzora egin behar zen errepideari sei metroko zabalera ematea erabaki zuten, baita bertan lana egingo zuten langileen %40 herritarrak izatea ere.
• 1911-3-20. Zezen-plazan zerrenda bat harriztatzea erabaki zuten idi demak jokatu ahal izateko, eta pare bat harri erostea, aurrez zirenen antzeko pisua zutenak.
• 1846-3-20. Aurreko urteetan agintaritzan izan ziren Aszensio Altuna eta Domingo Mari Etxaberi kontsultatu ondoren, Urrestillak nahi zuen bereizketari buruz beraien iritzia jakin ondoren, gaiari buruz lanean jarraitzeko beraiei eskatzea erabaki zuten, aurrerantzean ere Urrestillak bat eginik jarrai zezan herriarekin.
• 1821-3-20. Frantziak 1812ko apirilaren 20tik ezarritako bagaia kontribuziorik ez ordaintzea erabaki zuten, probintziako korrejidoreak horrela jakinarazi ondoren.
• 1692-3-20. Alkateak adierazi zuen Munategi inguruan aurkitutako utzitako haurra norena izan zitekeen aztarnarik ez zuela topatu, gestioak egin bazituen ere, eta Joxepa Izagirreri eman zioten hazi zezan, parrokian bataiatu ondoren. Emakumeari hilean zilarrezko 12 erreal ematea erabaki zuten.
• 1692-3-20. Juan Apaeztegi eta Martin Olaizola maisuek egindako parrokiko erretaula nagusia aztertzea erabaki zuen herriak.
• 1665-3-20. Pedro Beltran Oiarzabali hauxe agindu zioten: Probintziako Batzar Nagusiak ospatzen ziren bitartean, korrejidorearentzat etxe bat aurkitzeko.
• 1646-3-20. Aurreko urteko agintariei San Agustin komentuko prioreak adierazitakoari buruz hitz egin zieten; hau da, Ostegun Santuan Jauna ezkutatutako unean alkateak jasotzen ez bazuen bertako giltza, ez ziotela bera fidelari eskainiko aurreko urteetan bezala. Prioreari fidelari giltza eman beharko ziola jakinaraztea erabaki zuten.
• 1564-3-20. Azterketa baten ondoren, Juan Aztina izendatu zuten Elolako kaperau.
• 1559-3-20. Elola kaperako Miguel Zandategi organo jolea hil zenean, postua libre zegoela adieraztea erabaki zuten, norbaitek nahi bazuen ere postua bereganatu.
• 1531-3-20. Madalenan preso ziren sorginak Donostiara eramatea ordaindu zuten, beraiekin bidean eginiko janariak ere kontutan izanik. Madalenan bertan eta gauez beraiek zaintzen egon zirenei ere soldata bat ordaindu zieten.