Efemerideak

• 1996-11-9. Aspaceren aldeko I. Aerobic Maratoia egin zuten, kiroldegian.
• 1996-9-22. Nuarbe Sokatira Taldeak urrezko domina irabazi zuen 560 kilotan Munduko Sokatira Txapelketan, eta zilarrezkoa hurrengo egunean 640 kilotan.
• 1996-8-24. Bi 'molotov koktel' bota zituzten epaitegira.
• 1996-8-1. Parrokiko erretoreak hartutako erabakiaren ondoren, Loiolarako ohiko prozesio elizkoia bertan behera utzi zuten, eta haren ordez lehen prozesio hirikorra egin zuten.
• 1996-7-31. Eusko Alkartasunak Damaso Azkue auzunean Alkartetxea inauguratu zuen.
• 1996-7-5. Udalbatzarrak, EAJ, EA eta Ikasberri Azpeitiko Ikastolaren arteko lur uztearen akordioa onartzea erabaki zuen. Udalak lur zati horretan interes publikoko edozein ekintza burutzeko eskubidea zuela argudiatu zuen.
• 1996-6-24. Zelai Luzen zen Joxe Artetxe idazlearen irudia Urola ibaian agertu zen goizean.
• 1996-6-16. Herriarteko Pilota Txapelketa finala jokatu zuten Donostian, Atano III.a frontoian, Azkoitia eta Azpeitiaren artean. Azkoitiak irabazi zuen: 2-1.
• 1996-6-8. Kiroldegian errokodromoa inauguratu zuten, eta Euskadiko Kirol Eskalada Txapelketa hasi zen.
• 1996-5-23. Enekoitz Esnaolak eta Joxe Luis Aizpuruk idatzita, Lagun Onak Mendi Bazkunari buruzko liburua aurkeztu zuten, klubaren 50. urteurrenean.
• 1996-5-22. Ikastola berriaren aldeko manifestazioa egin zuten mila bat herritarrek.
• 1996-5-21. Manifestazioa egin zuten, Ikasberri Azpeitiko Ikastolak deituta.
• 1996-4-29. Urrestilla Sokatira Taldeak Euskal Herriko Txapelketan bere lehen urrezko domina eskuratu zuen 560 kilotan.
• 1996-4-7. Urrestilla Sokatira Elkarteko kide Aitor Lapeira mendizalea hil egin zen, Monte Perdido igotzen ari zela.
• 1996-4-1. Oinezkoentzat herriko kale batzuk egokitzeko plana martxan jarri zuten.
• 1996-3-25. Trikiti Pieza Berrien Lehiaketako finala ospatu zuten.
• 1996-3-25. Manifestazio baten ondoren, Euskal Herria kalean bost autori su eman zieten ezezagun batzuk.
• 1996-3-25. Arimar enpresan sutea izan zen.
• 1996-2-17. Kaldereroen konpartsak Fernando Olaizola, Julio Saez Bikuña eta Iñaki Elorza 'Txapas' izendatu zituen kofradiako kide nagusi.
• 1996-2-16. AEK Koordinakundeak Mikelats euskaltegi berria inauguratu zuen Urbitarten.
• 1996-2-6. Loiolabideko galtzada apurtu eta bost auto erori ziren Urola ibaira.
• 1995-12-3. Karmelo Etxegarai Ikastolak abian jarri zuen Txalaparta Irratia.
• 1995-9-11. Izarraizpe Irakaskuntza Kooperatibako hemezortzi irakaslek euren postuak utzi zituzten eta Ikasberri Kooperatibara pasatu ziren. Izarraizpetik egotziak izan ziren.
• 1995-9-10. Joxe Mari Sagardogi 'Lanbritx' motorista hil zen, Azpeitia eta Zestoa bitartean -Lasaon- gertatutako auto istripuan. Une hartan Yamaha-Folch talde ofizialeko kidea zen, eta benetan karrera onak egina zen Espainian (Jaraman, Albaceten, Xerezen, Aragoiko Sari Nagusian), Herrialde Katalanetan eta abar.
• 1995-7-27. Euskaltzain oso izendatu zuten Patxi Goenaga azpeitiarra.
• 1994-12-15. Ikastolak Batzar Nagusia egin zuen, eta Herriko Batzordeak beste bilera baterako deialdia.
• 1994-12-8. Ikastolako bi alderdiek erabaki zuten mahai parekidea zortzi kidez osatzea.
• 1994-12-4. Joxe Ramon Iruretagoiena 'Izeta II.a' eta Agustin Arruti 'Lardanbide' 125 kiloko harri kubikoarekin neurtu ziren hamar minutuko hiru saiotan. Izeta II.ak harria 130 aldiz jaso zuen eta Landarbidek 118 aldiz.
• 1994-10-4. Trenaren Museoa inauguratu zuten, bigarren eta azken fasea bukatu ondoren.
• 1994-9-30. Udalak eta Eusko Ikaskuntzak laguntza hitzarmena sinatu zuten.
• 1994-7-31. Matxinbenta auzoko Largarate baserria erre zen.
• 1994-7-7. Martzial Uzin enpresarentzat lurraldeak lortzeko gestioak egin zituen Udalak, baina lantegi berria herritik kanpo egingo zela ikusita, bat-batean bertan behera uztea erabaki zuten.
• 1994-5-23. Pio Astigarraga hil zen, organojole eta musika zalea.
• 1994-5-21. Bosniako selekzioa eta Reala neurtu ziren Garmendipe futbol zelaian, Juan Antonio Larrañaga jokalari ohiaren omenez (1-3).
• 1994-5-19. Donostiako Auzitegiak bertan behera utzi zuen Urolako ikastolen publifikazioa.
• 1994-5-6. Lagun Onak Futbol Taldearen ereserkia inauguratu zuten, 50. urtemuga ospatzeko egindako musika jaialdian. Jose Luis Frantsezenaren musika eta Xabier Euzkitzeren letra zeukan.
• 1994-5-5. Martzial Uzin enpresarentzat lurraldeak aurkitzeko gestioak egiten hastea erabaki zuen Udalak.
• 1994-4-30. Herriko Lagunak taldeak Euskadiko Sokatira Txapelketako goma gainean eta 680 kilotan irabazi egin zuen.
• 1994-4-18. Badok hamahiru Ikastolen Lagunak Kultur Elkartea aurkeztu zuten.
• 1994-4-15. Lagun Onak Kirol Elkarteak 50 urte betetzean liburua aurkeztu zuen.
• 1994-4-8. Euskal Herriko Txirrindulari Itzuliaren azken etapa jokatu zuten Azpeitian.
• 1994-3-27. Azkoitia-Azpeitia I. Maratoi Erdia korritu zuten. William Musyoki kenyarra (1.02.29) eta Maria Luisa Munoz espainiarra (1.13.52) izan ziren irabazleak.
• 1994-3-25. Udalak Izarraitz Irakaskuntza Kooperatibari 1981ean emandako lurraldea berriro berak eskuratzea erabaki zuen.
• 1994-3-19. IV. Trikiti Pieza Berrien Lehiaketako finala izan zen.
• 1994-2-6. Urrestillako sokatira taldeak 560 eta 600 kilotan goma gaineko liga irabazi zuen.
• 1994-1-25. Eusko Jaurlaritzak ikastolen publikotasuna onartu zuen.
• 1993-12-12. Udalak Joxe Apalantza korrikalaria, Aizpuru pilotaria eta Nuarbe Sokatira Taldea omendu zituen.
• 1993-12-3. Hauteskundeak izan ziren Izarraizpe Kooperatiban, ikastetxea publiko bilakatu ala ez erabakitzeko.
• 1993-11-5. Xabier Alday idazleak 'Bala zeru urdina' bere lehen olerki liburua aurkeztu zuen.
• 1993-10-31. Parrokiko erretorea izan zen Joxe Luis Lekuona agurtu eta haren postua hartu zuen Kepa Susperregiri ongi-etorria egin zioten.
• 1993-10-30. Gaztetxearen alde manifestazioa egin zuten. Udalak ixteko erabakia hartu zuen.
• 1993-10-16. Herriko gaztetxeen aldeko martxak egin zituzten Azkoitian eta Azpeitian.
• 1993-10-13. Zazpi urtean zabalik izan zen Gaztetxea itxi egin zuten, alkatetzak aginduta.
• 1993-9-29. Nuarbe Sokatira Taldea herrira iritsi zen, Suitzan jokatutako Europako Txapelketan 640 kilotan urrezko domina irabazi ondoren.
• 1993-9-25. Ikastolako guraso talde batek manifestazioa egin zuen publifikazioaren aurka.
• 1993-8-22. Trenaren Museoko bi bagoi zahar erre zituzten.
• 1993-7-18. VI. Euskal Indarra edo Euskal Kirol Olinpiada jokatu zuten.
• 1993-7-18. Joxe Apalantza errezildarrak 22 urte lehenago Inazio Mari Arangurenek epizentrotzat herriko plaza hartuta bost menditan egindako marka hobetu zuen. 5:30ean irten zuen plazatik, Ernio gailurrera 1.13.50ean iritsi zen, enparantzara 56.37an = 2.10.27 itzuli zen. Erlora 39.47an igo zen, atzera plazara 22.44an = 3.12.58 itzuli. Xoxotera 39.06an igo, itzuli 21.15ean = 4.13.19. Arauntzara 27.55ean igo, itzuli 13.46an = 4.55.00. Oñatzera igo 22.28an, itzuli 11.08an = 5.28.36 egin zuen dena.
• 1993-6-17. Ikastola Bizirik taldearen bigarren bilera egin zuten.
• 1993-6-14. Izarraitz Irakaskuntza Kooperatibaren batzar nagusia ospatu zuten. Zazpi bozketa egin ondoren, herriko batzordeak batzar nagusiari erantzun egin zion.
• 1993-5-30. Agustin Arruti Landarbide eta Jexux Mari Oiarzabal Arantzeta neurtu ziren 100 kiloko kubikoarekin. Hamar minutuko hiru ekitaldi egin zituzten; lehenenak 174 aldiz jaso zuen eta bigarrenak 103 bider.
• 1993-5-24. Urola bailarako ikastolek, gehiengoz, sare publikoan sartzea erabaki zuten. Azpeitian Ikasberri Ikastola sortu zuten gero hainbat lagunek.
• 1993-4-3. Iñaki Perurenak bi errekor egin zituen: 316 kiloko errektangeluar harria 20 segundotan altxatu zuen, eta 264 zilindrikoa esku bakarrarekin, 18 segundotan.
• 1993-4-3. Martin Fiz korrikalariak ezin izan zuen 10.000 metrotan eginiko marka hautsi zezen-plazan; 30.16.08 egin zuen. Eguraldi txarra egin zuen.
• 1993-3-19. III. Trikiti Pieza Berrien Lehiaketako finalean izan zen herrian. Aitor Furundarena eta Iparragirre anaiak izan ziren irabazle.
• 1993-3-4. Udalak Karmelo Etxegarai Ikastolari diru laguntzak moztea erabaki zuen, baldin eta sare pribatuan jarraitzea erabakitzen bazuen.
• 1993-2-26. Ibaiederreko potabilizadore planta inauguratu zuten.
• 1993-2-21. Herriko Zezenzale Batzordeak Imanol Elias Odriozolak idatzitako 'El toro, simbolo de fiesta en Gipuzkoa' liburua aurkeztu zuen.
• 1993-1-18. Basarte industrialdea inauguratu zuten.
• 1993-1-3. 125 kilo zituen 'Bedaio' harriarekin apustua egin zuten Agustin Arruti Landarbasok eta Juan Miguel Otaegi Beteluk. Hamar minutuko hiru txanda egin zituzten. Landarbasok irabazi zuen, 42 aldiz jasorik; Beteluk 38 aldiz jaso zuen.
• 1992-12-23. Diputazioak eta Loiolako erretoreak, jesuitek Loiolan zuten liburutegia publikoari zabaltzeko akordioa sinatu zuten.
• 1992-12-22. Luis Oyono Iraurgi Saskibaloi Taldeko donostiar jokalari ohiari omenaldia eskaini zioten. Granollers eta Askatuak taldeak neurtu ziren (91-90).
• 1992-12-20. Euskal Herriko Bigarren Mailako Aizkolari Txapelketa jokatu zuten Azpeitian. Juan Barberena izan zen garaile.
• 1992-10-22. Joxe Apalanzak, herriko enparantzatik irtenda, ordubete, 53 minutu eta 24 segundotan egin zuen Erniotik buelta. Gailurrera ordubete, lau minutu eta 39 segundotan iritsi zen.
• 1992-10-10. Ibaieder presa inauguratu zuten, Nuarben.
• 1992-10-1. Everest gailurra lortu zuen Josu Bereziartuak. Munduko mendirik garaiena da (8.848 metro). Joxe Urbieta 'Takolo' beheko kanpamenduan zegoen, haren igoera jarraitzen.
• 1992-9-17. Cho Oyu (8.201 metro) mendiko gailurra zapaldu zuten Josu Bereziartuak eta Amaia Aranzabalek.
• 1992-8-14. Joxe Apalantza lasterkalariak Xoxote gailurrerako joan-etorria hobetu zuen. 45. 09.075 behar izan zituen. Gailurrera 30.12an iritsi zen eta behera 15.58an.
• 1992-7-30. Xoxoteko harrobian eskalatzen ari zela, Asier Urkizu 'Beltza' alpinista herritarra hil zen.
• 1992-7-26. Nuarbe taldeak Euskal Herriko Sokatira Txapelketa irabazi zuen 600 eta 680 kilotan.
• 1992-7-25. Mikel San Juanek eginiko irudiarekin Karmelo Etxegarairen monumentua inauguratu zuten.
• 1992-6-27. Gipuzkoako Abesbatzen Federakuntzaren asanblada ospatu zuten.
• 1992-5-29. Joxe Lizaso bertsolaria omendu zuten.
• 1992-4-12. Jexux Mari Oiarzabal 'Arantzeta' eta Agustin Arruti 'Landarbide' neurtzekoak ziren 100 kiloko harri errektangulararekin, hamar minutuko hiru saiotan. Baina lehenak apustua galdu egin zuen, neurketara azaldu ez zelako.
• 1992-4-8. Jendaurrean aurkeztu zen UEME elkartea (Urola Bailarako Merkatarien Elkartea). Azkoitiko, Azpeitiko eta Zestoako 67 dendek osatu zuten.
• 1992-4-5. Euskadi Irratiak antolatutako 'Markak hobetzen' programaren barruan, Kipkemboi Kimeli eta Patrick Sang kenyarrak Mariano Harok 10.000 metrotan eginiko marka (29.52) hausten ahalegindu ziren zezen-plazan. Baina Kimelik 31.14.066 behar izan zituen. Sangek 31. 15.070.
• 1992-3-26. Loiolako Izpiritualtasun Zentroa inauguratu zuten.
• 1992-2-18. Diputazioak Herriaren Planeamendu Baldintzak onartu zituen.
• 1992-2-7. Ibaieder urtegitik egindako ur hornikuntza sistema inauguratu zuten.
• 1992-1-23. Euskal Herriko Abesbatzen Federakuntzaren Batzar Nagusia egin zuten herrian.
• 1992-1-20. Burdinbidearen Euskal Museoa ireki zuten.
• 1991-12-30. Loiola'91 ekintzak laguntza eman zien Espainiako ACB mailako Askatuak eta Iraurgi Azpeitiko-Azkoitiko saskibaloi klubei. Biek herriko kiroldegi berria inauguratu zuten.
• 1991-12-25. Aurrez Juan Mari Garin lasterkalariak 10.000 metrotan zezen-plazan eginiko 31.18ko marka hautsi zuen Diego Garciak, 30. 53.004 denboran utziz.
• 1991-12-21. Xabier Aranbarri Elorriaga eta Juan Manuel Erasun neurtu ziren 72 ontzako sei enbor eta 54ko hamalau ebakitzeko. Elorriagak bere lana 81.21ean egin zuen eta Erasunek 84.49an.
• 1991-12-15. Gipuzkoako Banden Federakuntza sortu zuten Azpeitian.
• 1991-10-26. Azpeitia-Everest'91 espedizioa gailurra lortu gabe herrira itzuli zen. Josu Bereziartua, Amaia Aranzabal, Josu Arrieta, Joxe Urbieta 'Takolo', Benantxio Irureta, Peio Aranburu, Gurutz Larrañaga eta Peio Aranbarri izan ziren partaideak.
• 1991-10-13. Euzko Guradosteak Gudari Eguna ospatu zuen herrian, 1937ko urriaren 15ean Santoñan (Espainia) fusilatutakoak omenduz.
• 1991-10-3. Josu Bereziartua eta Benantxio Irureta Azpeitia Everest'91 espedizioko kideak gailurretik 88 metrora gelditu ziren.
• 1991-9-26. Nuarbe Sokatira Taldea herrira iritsi zen, Suitzan Europako Txapelketan urrezko domina irabazita 560 kilotan eta zilarrezkoa 640 kilotan.
• 1991-9-26. Derrama osokoan 144 etxe agertu ziren, eta haietako batean sutea izatean hemezortzi erreal ordaindu beharko zituzten, bederatzi erreal derrama erdikoa erretzean, eta lau erreal eta erdi derrama txikikoa izatean.